Tiktoker 60 sutkalıq həbs olunub

Sosial platformalarda, xüsusilə canlı yayımlar zamanı cəmiyyətə qarşı hörmətsizlik edən, mənəvi dəyərlərə zidd davranışlar sərgiləyən şəxslərə qarşı polis əməkdaşları tərəfindən müvafiq tədbirlərin görülməsi davam edir. Polis bu cür hərəkətlərin qarşısını almaq üçün fəaliyyətini gücləndirir.

Qeyd edilən əməllərə yol verən sosial şəbəkə istifadəçisi saxlanılıb. Söhbət sosial şəbəkədə “pajiznicesi” səhifəsini işlədən, 1998-ci il təvəllüdlü Cəsarət Cavadovdan gedir. O, Xəzər rayon Polis İdarəsinin 3-cü Polis Şöbəsinin əməkdaşları tərəfindən saxlanılıb.

Məhkəmənin qərarı ilə Cavadov barəsində 60 sutka inzibati həbs qərarı verilib. Bu qərar, ictimai nizamı pozan və mənəvi dəyərlərə hörmətsizlik edən şəxslərə qarşı tətbiq edilən cəzaların davamlı olduğunu göstərir.