Ukrayna və Aİ atəşkəs planının təfərrüatlarını müzakirə edəcək

Ukrayna Prezidenti Volodimir Zelenski ölkəsinin və Avropa rəsmilərinin bu həftənin sonunda görüşəcəklərini açıqlayıb. Bu görüşün əsas məqsədi tərəflərin hazırladığı atəşkəs planının incəliklərini müzakirə etməkdir.

Prezident jurnalistlərə açıqlamasında qeyd edib ki, bu, Rusiya-Ukrayna müharibəsinə son qoymaq üçün hazırlanmış yekun plan deyil. O, sülh danışıqlarından əvvəl atəşkəsin vacib olduğunu vurğulayıb. V. Zelenski deyir ki, bu plan sadəcə diplomatiya prosesinə başlamaq üçün bir zəmindir.

Ukrayna və Avropa tərəfindən olan məsləhətçilər yaxın günlərdə bir araya gələcəklər. Müzakirənin cümə və ya şənbə günü keçirilməsi barədə artıq razılıq əldə edilib. Rəsmilər görüşdə atəşkəs planının bütün təfərrüatlarını və həyata keçirilmə yollarını nəzərdən keçirəcəklər.