Vladimir Putinin ABŞ prezidentinin xüsusi nümayəndəsi ilə görüşü yekunlaşıb

Rusiya Prezidenti Vladimir Putinin ABŞ prezidentinin xüsusi nümayəndəsi Stiv Uitkoff ilə görüşü başa çatıb. Bu danışıqlar gözlənildiyindən daha uzun sürdü. Məlumatlara görə, Kreml və Amerika rəsmiləri arasında aparılan müzakirələr beş saatdan çox davam edib. Görüşün mövzusu və ətraflı detalları barədə hələlik heç bir rəsmi açıqlama verilməyib.

Görüşdə iştirak edən şəxslərin profilləri onun iqtisadi əməkdaşlıq və investisiya məsələlərinə yönəldiyini göstərir. Rusiya tərəfindən Prezident Putinin köməkçisi Yuri Uşakov danışıqlarda yer alıb. Həmçinin Rusiya Birbaşa İnvestisiya Fondunun baş direktoru və Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndə olan Kirill Dmitriyev də iştirakçılar arasında idi. Amerika tərəfini isə yalnız sahibkar və investor qismində tanınan Jared Kuşner təmsil edib. Kuşner eyni zamanda "Affinity Partners" şirkətinin təsisçisidir. Amerika nümayəndəsi Jared Kuşnerin görüşdə iştirakı tərəflərin maliyyə və investisiya əlaqələrini müzakirə etdiklərinə işarədir.