Boksçumuz Avropa çempionu oldu

Azərbaycan boksçusu Sübhan Mamedov (50 kiloqram) U-23 Avropa çempionatının qalibi oldu. Millinin lideri olan idmançı final döyüşündə Ukrayna təmsilçisi Maksim Rudiki məğlub etməyi bacardı. Mamedov rəqibi üzərində inamlı qələbə qazandı və turnirin ən yüksək pilləsinə yüksəldi.

Mamedov finalda bütün, yəni hər üç raundu öz xeyrinə yekunlaşdırdı. O, yekun hesabda 4:1 (28:29, 29:28, 29:28, 30:27, 30:27) göstəricisi ilə qalib gələrək Avropa çempionu tituluna yiyələndi. Bu qızıl medal ilə Elbrus Rzayevin rəhbərlik etdiyi milli komanda Avropa çempionatını üç medalla bitirdi. Qeyd etmək lazımdır ki, Mamedovdan əvvəl iki idmançımız bürünc mükafat almışdı.

Komandanın heyətində 60 kiloqram çəki dərəcəsində Tağı Nəsibov və ağır çəkidə (+90 kiloqram) Səbuhi Əlizadə bürünc mükafata sahib çıxmışdılar. Ümumilikdə, Avropa çempionatında 33 ölkədən 271 boksçu mübarizə aparırdı. Subhan Mamedovun qazandığı qızıl medal Azərbaycan idmanı üçün böyük bir uğurdur.