Əli Hüseynli Macarıstan Prezidenti tərəfindən ordenlə təltif olundu

Macarıstan Prezidenti Tamaş Şuyok Azərbaycan-Macarıstan Parlamentlərarası Dosluq Qrupunun sədri Əli Hüseynlini yüksək dövlət mükafatı ilə təltif edib. Hüseynli Macarıstanın nüfuzlu mükafatlarından sayılan "Xidmətlərə görə ulduzlu komandor xaçı" ordeninə layiq görülüb.

Bu təltif Əli Hüseynlinin iki ölkə arasındakı parlamentlərarası əlaqələrin gücləndirilməsindəki fəaliyyətinin təqdiri kimi qiymətləndirilir. Bu addım eyni zamanda Azərbaycan və Macarıstan arasındakı dostluq və strateji tərəfdaşlıq əlaqələrinin mühüm olduğunu bir daha göstərir.

Ordenin təqdimetmə mərasimi Bakıda keçirildi. Macarıstanın Azərbaycandakı səfiri Tamaş Torma mükafatı Əli Hüseynliyə şəxsən təqdim etdi. Mərasim Macarıstanın Milli Günü və 1956-cı il inqilabının ildönümü münasibətilə keçirilən təntənəli tədbirdə baş tutub. Bu təltif Azərbaycan və Macarıstanın əməkdaşlığı davamlı olaraq inkişaf etdirmək niyyətində olduğunu təsdiqləyir.