Kremldən ABŞ-nin sanksiyalarına reaksiya

Kremlin sözçüsü Dmitri Peskov ABŞ-nin Rusiyaya qarşı tətbiq etdiyi sanksiya qərarı barədə açıqlama verib. O, bu qərarın "qeyri-dost" addım olduğunu və iki ölkə arasındakı ikitərəfli münasibətlərə zərər vurduğunu bildirib.

Peskov sanksiya qərarının münasibətlərin dirçəldilməsi perspektivlərinə ciddi zərər vurduğunu deyib. O, Rusiya ilə ABŞ arasındakı əlaqələrlə bağlı açıqlamalarını "Rossiya-1" televiziya kanalında səsləndirib.

Peskov Rusiyanın öz maraqları naminə hərəkət etdiyini vurğulayıb. O qeyd edib ki, ABŞ Prezidenti Donald Trampın ifadə etdiyi bəzi nüanslara baxmayaraq, diqqəti öz maraqlarına yönəltmək vacibdir. Sözçü əlavə edib ki, Rusiyanın əsas marağı ABŞ da daxil olmaqla, bütün ölkələrlə yaxşı münasibətlər qurmaqdır.