Muazzez Abacı infarkt keçirdi

Türkiyənin əfsanəvi sənətçisi, müğənni Muazzez Abacı infarkt keçirib. Bu xəbəri bəstəkar Seda Akay özünün sosial şəbəkə hesabında yayımlayıb. Akay sevilən sənətçinin vəziyyətinin ağır olduğunu, lakin onun dərhal xəstəxanaya yerləşdirildiyini bildirib. Həkimlər Abacını əməliyyat edərək ürəyinə stent qoyublar.

Muazzez Abacı 1947-ci il noyabrın 7-də Ankarada anadan olub. O, 1970-ci illərdə səhnəyə çıxıb. Abacı qısa zamanda böyük pərəstişkar kütləsi toplayaraq Türk musiqisinin ən tanınmış simalarından birinə çevrilib.

Sənətçi karyerası boyu çoxlu sayda albom buraxıb. Onun ifa etdiyi məşhur əsərlər arasında “Ümit mərasimi”, “Kimsəyə etməm şikayət”, “Sənsiz səadət nəymiş” və “Vurğun” mahnıları xüsusi yer tutur. Müğənninin hazırda xəstəxanada olduğu və müalicəsinin davam etdiyi deyilir.