​Rusiya çoxqütblü dünyanın formalaşmasını dəstəkləyir - Putin

Rusiya Prezidenti Vladimir Putin Hindistana səfəri zamanı beynəlxalq əməkdaşlıq və yeni dünya nizamı ilə bağlı mühüm açıqlama verib. O bildirib ki, Rusiya və Hindistan daha ədalətli, çoxqütblü dünyanın formalaşması prosesini birgə dəstəkləyir.

Rusiya bu məqsədlə BRICS, Şanxay Əməkdaşlıq Təşkilatı (ŞƏT) və digər dünya tərəfdaşları ilə fəal işləyir. Prezident Putin əlavə edib ki, ölkəsi bu təşkilatlarla birlikdə daha ədalətli və demokratik çoxqütblü dünya nizamının formalaşmasına tərəfdardır. Rusiya-Hindistan münasibətləri heç kimə zərər verməyən əlaqələrdir, əksinə, onlar tamamilə qarşılıqlı faydaya əsaslanır.

Putin iki ölkə arasındakı münasibətlərin möhkəm təməl üzərində qurulduğunu bildirib. Onun sözlərinə görə, həm Rusiya, həm də Hindistan öz siyasətlərini həyata keçirən müstəqil ölkələrdir. O, iki tərəf üçün faydalı olan münasibətlərin əsasının qarşılıqlı maraqlar olduğunu bir daha vurğulayıb.