Sosial ödəniş alanların nəzərinə

Oktyabr ayının bütün sosial ödənişləri tamamilə başa çatdırılıb. Bu haqda məlumatı Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu yayıb. Fondun verdiyi xəbərə görə, oktyabr ayı ərzində vətəndaşlara edilməli olan pensiya, müavinət və sosial yardımların hər biri vaxtında ödənilib.

Ödənişlər müxtəlif tarixlərdə, mərhələli şəkildə həyata keçirilib. Əvvəlcə, oktyabrın 10-da Bakı, Sumqayıt şəhərləri, Abşeron rayonu və Naxçıvan Muxtar Respublikası üzrə oktyabr pensiyaları ödənilib. Ayın 21-də isə digər bölgələrdə yaşayan pensiyaçıların, habelə güzəştli şərtlərlə pensiya təyin edilmiş şəxslərin pensiyaları ödənildi. Qeyd olunur ki, sonuncu mərhələdə, yəni bu gün, oktyabr ayına aid müavinət, təqaüd və ünvanlı dövlət sosial yardımları vətəndaşların hesablarına yatırılıb. Beləliklə, sosial ödənişlərin təminatı üzrə oktyabr ayı yekunlaşdırılıb.