Ulduz futbolçu məşqçi ilə mübahsiə etdi, karyerasını yekunlaşdırır

“Beşiktaş” klubunda futbolçu Rafa Silva ilə bağlı yaranan gərginlik səngimək bilmir. Bildirilir ki, ulduz futbolçu baş məşqçi Sergen Yalçınla mübahisə edib. Məlumata görə, futbolçu karyerası ilə bağlı yekun qərarını klub prezidenti Serdal Adalı ilə görüşdən sonra açıqlayacaq. Bu görüşün nəticəsindən asılı olmayaraq, iddialar Silvanın futboldan getmək niyyətində olduğunu göstərir.

Jurnalist Ertan Süzgün açıqlayıb ki, Rafa Silva ümumiyyətlə karyerasını yekunlaşdırmaq istəyir. Bu iddialara görə, o, hələ “Fənərbaxça” derbisi keçirilməzdən əvvəl bu istəyini dilə gətirib. Silva o zaman Serdal Adalıya artıq futbola davam etmək istəmədiyini bildirmişdi. Lakin Adalı onu bu fikrindən daşındıraraq derbidə iştirak etməyə razı salmışdı. Bu hadisə oyunçunun qərarının nə qədər ciddi olduğunu göstərir.

İddialara görə, futbolçu hələ də karyerasını bitirmək niyyətindədir. Məlumdur ki, o, Sergen Yalçına hörmət etdiyini ifadə edib. Buna baxmayaraq, Silvanın qərarı dəyişməyib. Yaxın günlərdə Serdal Adalı ilə baş tutacaq görüş oyunçunun professional futbol həyatının sonlanıb-sonlanmayacağını müəyyənləşdirəcək.