WhatsApp Telefon Nömrəsi Olmadan İstifadə Edilə biləcək

“WhatsApp” tez-tez telefon dəyişən istifadəçilər üçün böyük bir problemi həll etdi.

Artıq tətbiqin öz kontakt siyahısı olacaq və cihazın dəyişdirilməsi zamanı kontaktlar itməyəcək. Yeni funksiya ilk olaraq “WhatsApp Web” və “Windows” proqramlarında istifadə olunacaq. Meta-nın məlumatına görə, yenilik daha sonra digər cihazlarda da aktiv olacaq.

Meta istifadəçilərin təhlükəsizliyi üçün yeni bir şifrələmə texnologiyasını da təqdim edir. IPLS adlı bu yeni texnologiya kontaktlarla bağlıdır. Belə ki, kontakt məlumatları yalnız istifadəçi üçün əlçatan olacaq. Bundan əlavə, “WhatsApp”a telefon nömrəsi olmadan hesab açmaq imkanı əlavə edilir ki, bu da istifadəçilərə məxfiliklə bağlı daha çox seçim təklif edəcək.