Erməni müxalifəti Paşinyanı yenə istefaya çağırdı

17.11.2020 07:34 557 baxış sayı 2 dəq. oxuma

Dünya

“Çiçəklənən Ermənistan” müxalifət partiyasının üzvü Naira Zohrabyan millət vəkillərini ölkədəki hərbi vəziyyəti ləğv etməyə və Baş nazir Nikol Paşinyanı istefaya göndərməyə çağırıb.

Zohrabyan bu barədə Ermənistan parlamentinin bu gün keçirilən iclasında bildirib.

“Bu gün bu konfrans salonunda yalnız bir məsələ müzakirə edilməlidir - hərbi vəziyyətin ləğvi və Nikol Paşinyanın istefası! Başqa bir məsələni müzakirə etmək üçün mənəvi haqqımız yoxdur”,- deyə Zohrabyan vurğulayıb.

Qeyd edək ki, Ermənistan müxalifəti İrəvanda artıq bir neçə gündür ki, etiraz aksiyaları keçirir. Aksiya iştirakçıları Paşinyanın atəşkəslə bağlı razılaşma imzalaması səbəbindən istefasını tələb edirlər.

Leyla Həsənova

Siyasi şərhçi

Siyasi prosesləri analiz etmək mənim işimdir. Beynəlxalq münasibətlər fakültəsini bitirdikdən sonra jurnalistikaya keçdim. Regionda baş verənləri izlə...

Bütün məqalələrə baxın