Rusiyadan Qərbə cavab: İşinizlə məşğul olun!

03.02.2021 05:10 452 baxış sayı 2 dəq. oxuma

Dünya

Suveren dövlətin işinə qarışmaq lazım deyil.

Bunu Rusiya Xarici İşlər Nazirliyinin rəsmisi Mariya Zaxarova Qərb ölkələrinin Aleksey Navalnının həbsi ilə bağlı çağırışlarına cavab verərkən deyib.

"Bir neçə həftədir ki, oxşar hücumlara və bəyanatlara münasibət bildiririk və cavab veririk. Suveren bir dövlətin daxili işlərinə qarışmaq lazım deyil. Hamıya da məsləhət görürük ki, öz şəxsi problemləri ilə məşğul olsunlar”, - Zaxarova bildirib.

Qeyd edək ki, dünən Moskvanın Simonovski məhkəməsi Navalnının "Yves Rocher” işi ilə bağlı şərti cəzasını ləğv edərək, onu 3.5 il müddətinə real həbs cəzası ilə əvəz edib. Bunun ardınca ABŞ, Fransa, Almaniya, Böyük Britaniya kimi ölkələr Rusiyanı Navalnını azad etməyə çağırıb. (Axar.az)

Könül Məmmədova

İnsan hüquqları müxbiri

İnsan hüquqları və vətəndaş cəmiyyəti mövzularında ixtisaslaşmışam. Bu sahədə qeyri-hökumət təşkilatlarında da işləmişəm.

Bütün məqalələrə baxın