Seltik Qəzzada təcili ərzaq ehtiyacları üçün 100 min funt-sterlinq yardım ayırıb

"Seltik" Futbol Klubu Fondu Qəzzada yaranmış təcili ərzaq ehtiyacını dəstəkləmək məqsədilə Birləşmiş Millətlər Təşkilatının Ümumdünya Ərzaq Proqramına (BMÜƏP) 100 min funt-sterlinq məbləğində ianə etdiyini açıqlayıb.

TƏCİLİ ƏRZAQ ÜÇÜN 100 MİN FUNT-STERLİNQ İANƏ. Fondun bəyanatında bildirilib ki, aclıqla mübarizədə dünyanın ən böyük humanitar təşkilatı olan BMÜƏP vasitəsilə Qəzzadakı təcili ərzaq təminatı üçün 100 min funt-sterlinq vəsait ayrılıb.

640 MİN İNSAN FƏLAKƏT ŞƏRAİTİNDƏ YAŞAYIR. Açıqlamada həmçinin vurğulanıb ki, Qəzzada 640 min insanın kəskin aclıq şəraitində yaşadığı və 132 min uşağın kəskin qidalanma çatışmazlığı səbəbindən ölüm təhlükəsi ilə üz-üzə qaldığı təxmin edilir.