Şuşa Şəhidləri: Vətən Uğrunda Can Verənlər Unudulmur

44 günlük Vətən Müharibəsi zamanı canlarını fəda edən qəhrəmanlarımızın xatirəsi, işğaldan azad edilmiş Şuşa şəhərində də ehtiramla yad edilib. Anım tədbirində, Şuşa rayonunda Azərbaycan Respublikası Prezidentinin xüsusi nümayəndəliyinin, Şuşa Şəhəri Dövlət Qoruğu İdarəsinin, hüquq-mühafizə orqanlarının əməkdaşları, məktəblilər və doğma yurdlarına qayıtmış Şuşa sakinləri iştirak ediblər.

Şəhidlər Xiyabanında, qəhrəmanlarımızın xatirəsinə ucaldılmış abidənin önünə gül dəstələri qoyularaq, dualar oxunub. Gənc nəsil vətənpərvərlik ruhunda şeirlər söyləyərək, şəhidlərimizin qəhrəmanlıqlarını yad ediblər.

Vətən Uğrunda şəhid olan qəhrəmanlarımızın xatirəsi, bütün Azərbaycan ərazisində olduğu kimi, Şuşa şəhərində də saat 12:00-da bir dəqiqəlik sükutla yad edilib.