Bluesky, Threads-i Geridə Qoydu!

Meta şirkətinin 2023-cü ildə X (Twitter)-ə oxşar olaraq təqdim etdiyi Threads platforması əvvəllər böyük marağa səbəb olmuş, gündəmin zirvəsində yer almışdı. Lakin bu populyarlıq uzun müddət davam etmədi. Son məlumatlara görə, Threads-in rəqiblərindən biri onu geridə qoyaraq önə çıxıb. Metanın əməkdaşlarında gülümsəyən simalar yoxdur. Bluesky aktiv istifadəçi sayında Threads-i üstələdi!

2019-cu ildə yaradılan və əvvəllər yalnız dəvətnamə ilə üzvləri qəbul edən Bluesky qısa müddət ərzində böyük sürətlə inkişaf edərək geniş istifadəçi bazasına sahib oldu. Bildirildyi məlumata görə, platformanın mobil tətbiqi gündəlik 3,5 milyon aktiv istifadəçiyə çataraq Threads-i geridə qoyub. Threads hələ də Bluesky-dən 1,5 dəfə çox istifadəçiyə malik olsa da, bu nisbət noyabr ayının əvvəllərində 5 dəfə idi. Son açıqlamaya görə, 22 milyon üzvü olan platforma, xüsusilə ABŞ-da keçirilən seçkilər dövründə, 300 faizlik diqqətəlayiq bir artım göstərib.

Sürətli inkişafı ilə köhnə Twitter versiyasına bənzədilən Bluesky, bəzi texniki çətinliklərlə üzləşib. Hətta platformada vaxtaşırı giriş kəsilikləri yaşanıb, fırıldaq şikayətləri artıb. Əlbəttə ki, bu təəccüblü deyil, çünki Bluesky belə bir artımı gözləmirdi. Şirkətin infrastrukturu təkmilləşdirməsi və moderasiyanı gücləndirməsi gözlənilir.