Chrome istifadəçilərinə xəbərdarlıq: Bu genişləndirmə sizi adım-adım izləyir

Özünü istifadəçi məxfiliyini və təhlükəsizliyini artıran bir vasitə kimi təqdim edən VPN (Virtual Şəxsi Şəbəkə) xidmətinin istifadəçilərini gizlicə izlədiyi aşkar edilib. Koi Security-nin hesabatına görə, Chrome genişləndirilməsi kimi təqdim olunan FreeVPN.One tətbiqi istifadəçiləri müxtəlif üsullarla izləyir. Bu hadisə bir daha göstərir ki, təhlükəsizlik aləti kimi görünən proqram əslində ciddi risklər yarada bilər.

FreeVPN.One Genişləndirilməsi İstifadəçiləri İzləyir Hesabata görə, FreeVPN.One genişləndirilməsi istifadəçinin ziyarət etdiyi hər veb səhifənin tam yükləndikdən sonra ekran görüntüsünü çəkir. Bu proses tətbiqin "Süni Zəka Təhlükəsizlik Aşkarlanması" adlandırdığı funksiya ilə bağlıdır. İstifadəçi bu funksiya üçün düyməni kliklədikdə, saytın taranması üçün ekran görüntüsü çəkilir və təhlükə analizi üçün FreeVPN.One serverlərinə göndərilir. Lakin, Koi Security-nin araşdırmaları göstərir ki, genişləndirmə istifadəçinin heç bir əməliyyat etməməsinə baxmayaraq, ziyarət edilən hər səhifəni avtomatik olaraq qeyd edir. Bu, tətbiqin məxfilik pozuntularını daha da ciddi hala gətirir.

VPN genişləndirilməsi həmçinin istifadəçilərin IP ünvanlarını onların yerini təyin etmək üçün toplayır və geniş brauzer icazələri vasitəsilə bütün URL-lərə giriş əldə edir. "" icazəsi genişləndirilməyə istifadəçinin ziyarət etdiyi hər sayta giriş imkanı verir. Koi Security bildirib ki, FreeVPN.One icazələrini genişləndirib və bu ilin aprel ayından etibarən istifadəçi məlumatlarını izləməyə başlayıb. Genişləndirilmənin hazırlayıcısının sonrakı versiyalarda edilən dəyişikliklər vasitəsilə bu fəaliyyətləri gizlətməyə cəhd etdiyi aşkar edilib. Hazırlayıcı ekran görüntülərinin daimi olaraq saxlanılmadığını və istifadəçi məlumatlarının satılmadığını iddia etsə də, onlar anonim qalır və ətraflı məlumat verməkdən yayınırlar.