Nintendo Switch 2: Daha Böyük Ekran, Yeni Dizayn!

Gözlənilən Nintendo Switch 2 oyun konsolu haqqında sızmış məlumatlar artıq gündəmdədir. CES 2025 öncəsi OnLeaks tərəfindən yayılan məlumatlar cihazın dizaynı və texniki xüsusiyyətləri barədə əhəmiyyətli ipuçları verir. Switch 2 əvvəlki modellərdən xeyli fərqlənir, daha böyük ekran və yenilənmiş dizaynla gəlir.

Ən önəmli yenilik, Switch 2-nin daha böyük ekrana sahib olmasıdır. Yeni modelin ekran ölçüsü 8.4 düymdür ki, bu da Switch OLED-in 7 düym və orijinal Switch-in 6.2 düym ekranından xeyli böyükdür. Bu artım, ekran çərçivələrinin daha da incəlməsi sayəsində mümkün olub. Cihazın ümumi ölçüləri isə 271 x 116.4 x 31.4 mm-dir. Beləliklə, əvvəlki modeldən daha böyük bir bədənə sahib olacaq.

Switch 2-nin üst tərəfi də yenilənmiş detalları ilə diqqət çəkir. Güc və səs düymələrinə əlavə olaraq, 3.5 mm qulaqlıq girişi və USB-C portu da mövcuddur. Ona görə də cihazı şarj edərkən də masada rahat istifadə etmək olar. Daha geniş və sabit dayaq ayağı da var. Joy-Con nəzarətçiləri isə biraz böyüdülüb və ümumi dizaynı qoruyaraq ekran ölçüsünə uyğunlaşdırılıb.

Switch 2-nin rəsmi satış tarixi hələ açıqlanmasa da, sızmış məlumatlar cihazın 2025-ci ilin mart və ya aprel aylarında satışa çıxacağını göstərir. Analitik Matt Piscatella-nın fikrincə isə Switch 2, yalnız ABŞ-da 2025-ci il ərzində təxminən 4.3 milyon ədəd satılacaq. Bəs siz bu konsol haqqında nə düşünürsünüz?