Nintendo Switch üçün iki əyləncəli oyun gəlir!

Sabah (noyabrın 19-u) Nintendo Switch oyunçularını iki maraqlı yeni oyun gözləyir. Əvvəllər yalnız PlayStation və Xbox platformalarında olan Stray və əyləncəli simulyasiya oyunu MySims Cozy Bundle artıq Nintendo Switch kitabxanalarına əlavə edilə bilər.

Əvvəlcə, öz dövründə çox məşhur olan Stray oyunundan danışaq. BlueTwelve Studios tərəfindən hazırlanan və Annapurna Interactive tərəfindən nəşr olunan Stray, əvvəlcə 2022-ci ildə PC, PlayStation 4 və PlayStation 5 üçün satışa çıxarılmışdı. 2023-cü ildə Xbox konsollarına gələn oyun, noyabrın 19-dan etibarən Nintendo Switch-də də oynanıla bilər. Neon işıqlı distopik bir kiber-şəhərdə keçən oyunda ailəsindən ayrılmış bir pişiyi idarə edirsiniz. Pişik həm insan olmayan dünyada sağ qalmağa, həm də ev yolunu tapmağa çalışır. Ona B-12 adlı bir dron kömək edir və bu dron pişikə ətraf mühitlə qarşılıqlı əlaqə qurmağa və müxtəlif tapmacaları həll etməyə kömək edir.

Nintendo Switch üçün gələn digər oyun isə məşhur simulyasiya seriyasından olan MySims Cozy Bundle-dır. Bu oyunu rahat və sakit bir şəhər qurma simulyasiyası kimi qısa şəkildə təsvir edə bilərik ki, bu da öz yaradıcı tərəfinizi ortaya qoymağa imkan verir. Oyunda öz şəhərinizi qura, personajlar yarada və icmanızı inkişaf etdirmək üçün tapşırıqlar yerinə yetirə bilərsiniz.

Switch üçün yenidən optimallaşdırılmış hər iki oyunun da özünəməxsus geniş tamaşaçı kütləsi var. Bu iki oyun haqqında nə düşünürsünüz? Fikirlərinizi aşağıdakı şərhlər bölməsində yaza bilərsiniz.