WhatsApp-da Yeni Emoci Reaksiyaları: Artıq Stikirlərlə!

WhatsApp Android istifadəçiləri üçün Google Play Beta Proqramı vasitəsilə 2.25.13.23 versiyasını yayımladı. Yeni yeniləmə göstərir ki, platforma istifadəçilərin mesajlara və media fayllarına stikerlərlə reaksiya verməsinə imkan verən bir xüsusiyyət üzərində işləyir. Hələ ki, bu funksiya mövcud deyil, amma yaxın bir zamanda hamı üçün əlçatan olacağı gözlənilir.

WhatsApp, mövcud emojilar kifayət etmədikdə istifadəçilərin özünü daha yaradıcı şəkildə ifadə etməsinə imkan verən yeni alətlər hazırlayır. Yuxarıda qeyd edildiyi kimi, 2.25.13.23 beta versiyası yeni bir xüsusiyyətin sınaqdan keçirildiyini göstərir. Bu xüsusiyyət sayəsində istifadəçilər stiker klaviaturasındakı istənilən stikerdən istifadə edərək mesajlara və mediaya reaksiya verə biləcəklər.

WhatsApp Sticker Mağazasından yüklənmiş, üçüncü tərəf tətbiqlərindən idxal edilmiş və əvvəllər saxlanılmış bütün stikerlər dəstəklənəcək. Bundan əlavə, Lottie Framework istifadə edərək yaradılan animasiya stikerlərin də dəstəklənə biləcəyini qeyd etmək lazımdır. Qısaca desək, mesaj və mediaya reaksiyalarımız daha dinamik və ifadəli olacaq. Bu xüsusiyyət, müəyyən bir duyğunu standart emoj ilə ifadə etmək kifayət etməyən hallarda xüsusilə faydalı olacaq. İstənilən dizaynda olan stikerlərlə daha unikal və əyləncəli reaksiyalar verə biləcəksiniz.

Xüsusiyyətin inkişafı davam edir və hər şey yaxşı gedərsə, çox tezliklə hamı üçün əlçatan olacaq. Bu yeniləmə haqqında nə düşünürsünüz?