Yeni "Karate Kid" Filmi Gözləniləni Verə Bilməyəcək?

Bu yaxınlarda keçirilən xüsusi nümayişdə tamaşaçılarla görüşən "Karate Kid: Əfsanələr" filminin tənqidçilərdən gözlənilən rəğbəti qazanmadığı məlum oldu. Güclü aktyor heyəti və seriyanın nostaljik havası ilə diqqət çəkən film, əvvəlki hissələrin pərəstişkarlarını bir araya gətirmək və köhnə ilə yeniyə körpü salmaq niyyətində olsa da, bu məqsədə çatmaqda çətinlik çəkir.

1980-ci illərin orijinal trilogiyasını və 2010-cu ildəki Ceyki Çan və Ceyden Smitin oynadığı yeni versiyanı birləşdirən bir davam filmi olaraq təqdim olunan "Karate Kid: Əfsanələr"də, orijinal seriyadan Ralf Makkio (Daniel LaRusso) və müasir versiyadan Ceyki Çan (Han müəllim) öz rollarına qayıdırlar. Yeni nəsil döyüşçünün ətrafında qurulan hekayəyə fokuslanan film, xüsusilə orijinallıq baxımından ciddi tənqidlərə məruz qalıb.

İlk rəylərə görə, "Karate Kid: Əfsanələr" köhnə filmlərdə dəfələrlə istifadə edilmiş formulu demək olar ki, eynən təkrarlayır. Süjet xəttində, personajların inkişafında və tematik quruluşda heç bir əhəmiyyətli yenilik təklif etmədiyi bildirilir. Rotten Tomatoes-da 59%, MetaCritic-də isə 53% reytinq alan film, texniki cəhətdən də mənfi tənqidlərə məruz qalıb. Döyüş səhnələrinin xoreoqrafiya və montaj baxımından mürəkkəb və səmərəsiz olduğu deyilir. Bəs siz bu barədə nə düşünürsünüz?