Allahşükür Paşazadə Vatikana səfər edəcək

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə bu gün Vatikana səfərə yollanır. QMİ-dən verilən məlumata görə, səfər Roma Katolik Kilsəsinin digər dinlərlə əlaqələrinin bünövrəsini formalaşdıran II Vatikan Şurasının əsas sənədi olan "Nostra Aetate"nin 60-cı ildönümü münasibətilə keçirilən təntənəli tədbirlərə dəvət əsasında baş tutur. Bu mühüm ildönümü bütün dünyada sülhün, həmrəyliyin və qarşılıqlı hörmətin vurğulanıb möhkəmləndirilməsinə həsr olunmuş Ümid İli ilə üst-üstə düşür. Bu səfər regionun dini liderinin qlobal dialoqda aktiv iştirakını göstərir.

Şeyxülislam A. Paşazadə oktyabr ayının 28-də nəzərdə tutulmuş silsilə tədbirlərdə iştirak edəcək. Bu tədbirlər Dinlərarası Dialoq Dikasteriyası və Xristian Birliyinin Təşviqi Dikasteriyası ilə birgə təşkil edilib. Tədbirlərin əsas məqsədi "Nostra Aetate" sənədini təqdir etməkdir. Görüşlər həmçinin sülh və barışıq, dinlərarası dialoqun zəruri əhəmiyyətini bir daha təsdiqləmək üçün keçirilir. Dinlərarası dialoqun təşviqi səfərin əsas gündəliyini təşkil edir.

Səfər çərçivəsində QMİ sədri A. Paşazadənin bir sıra yüksək səviyyəli görüşləri planlaşdırılır. Onun Roma Papası XIV Leo, Vatikan rəsmiləri və müxtəlif dini konfessiyaların tanınmış din xadimləri ilə görüşməsi nəzərdə tutulur. Görüşlər arasında müsəlman dünyasının tanınmış dini liderləri ilə də danışıqlar keçiriləcək. Bu görüşlər beynəlxalq səviyyədə mövcud əlaqələri gücləndirməyə xidmət edir.