“Zəfər turu”: "Araz-Naxçıvan" "Karvan-Yevlax"ı məğlub edib

Misli Premyer Liqasında Vətən Müharibəsindəki qələbəmizin 5-ci ildönümünə həsr olunan “Zəfər turu” davam edir. Bütün görüşlər rəmzi olaraq hər saatın 44-cü dəqiqəsində başlayır.

Turun ilk qarşılaşmasında “Araz-Naxçıvan” “Karvan-Yevlax”ı sınağa çəkdi. Naxçıvan təmsilçisi rəqibini Sumqayıtda qəbul etdi. Gərgin keçən mübarizə 2:1 hesabı ilə “Araz-Naxçıvan”ın xeyrinə yekunlaşdı.

8 noyabr tarixində keçirilən bu oyunda qollar belə oldu: Araz Abdullayev 17-ci dəqiqədə hesabı açdı (1:0). Hamidu Keyta 65-ci dəqiqədə bərabərlik qolunu vurdu (1:1). Lakin Felipe Santos 90+2-ci dəqiqədə penaltidən fərqlənərək “Araz-Naxçıvan”a qələbə qazandırdı (2:1). Görüşü Nicat İsmayıllı, Vüsal Məmmədov, Kərim Zeynalov, Kamran Əliyevdən ibarət hakimlər briqadası idarə etdi.

Günün digər maraqlı matçında “Zirə” “Turan Tovuz”u qəbul edəcək. Hazırda Tovuz klubu 21 xalla çempionatın lideridir, paytaxt təmsilçisi isə 19 xalla 4-cü pillədədir. Əgər Rəşad Sadıqovun komandası bu oyunda qalib gəlsə, “Zirə” ən azı bir günlük zirvəyə yüksələcək. Bu oyun saat 18:44-də start götürəcək. Əliyar Ağayevin başçılıq etdiyi hakimlər kollektivi görüşü idarə edəcək.

Qeyd edək ki, 7 noyabr tarixində keçirilən oyunlarda “Şamaxı” “İmişli”yə 1:0 hesabı ilə, “Qəbələ” isə “Sumqayıt”a 0:2 hesabı ilə məğlub olmuşdu. Növbəti oyunlar 9 noyabrda “Kəpəz” - “Sabah” və “Qarabağ” - “Neftçi” matçları ilə davam edəcək.