Zelenski: Pokrovsk istiqamətində gərgin döyüşlər gedir

Ukrayna Prezidenti Volodimir Zelenski Pokrovsk istiqamətində gərgin döyüşlərin getdiyini təsdiqləyib. Prezident, şəhərin hələ də Ukraynanın nəzarətində olduğunu bildirib. Zelenski bu məlumatı noyabrın 3-də kabinetində bir qrup jurnalistlə görüşü zamanı açıqlayıb.

O qeyd edib ki, son günlər Rusiya ordusu əsas hücumlarını məhz Donetsk vilayətindəki Pokrovsk istiqamətinə yönəldib. Pokrovsk, Ukraynanın strateji şəhərlərindən biri sayılır. Ukrayna Silahlı Qüvvələrinin bütün qoşun növlərindən olan hərbçilər bu şəhərin və qonşu yaşayış məntəqələrinin müdafiəsinə cəlb ediliblər.

Prezident, müdafiə cəhdlərinin uğurlu olduğunu vurğulayıb. O bildirib ki, Rusiya ordusunun həyata keçirdiyi bütün hücumların qarşısı uğurla alınır. Hazırda vəziyyət bundan ibarətdir.